Resultados da base

Xuvenil

Arosa 1-5 Lugo B
Valladares 2-4 Arosa B


Cadete

Arosa 2-0 Lugo
Sta.Mariña 4-1 Arosa B


Infantil

Arosa 3-1 Moaña
Arosa B 1-2 Vilanova


Alevín

F11
Arosa 6-2 Atco.Cuntis
Portero 2000 1-4 Arosa (xornada 10)
Arosa B 6-1 Ribadumia
F8
Marín 3-2 Arosa
Soutomaior B 8-6 Arosa B


Benxamín

San Martín 1-12 Arosa
Céltiga B 0-4 Arosa B
Cangas B 1-4 Arosa C
Arosa D 4-4 Poio B


Prebenxamín

Alondras 4-3 Arosa
Arosa B 0-2 Poio B

O Arosa afiánzase no cuarto posto (Arosa 4-1 Dubra)

O Arosa venceu hoxe por 4-1 ao Dubra nun cómodo partido que lle afianza no cuarto posto, e volve, máis de 3 anos despois, a encadear 3 victorias consecutivas.

Xa desde o inicio do partido os locais deixaron clara a súa intención de gañar o encontro o antes posible contra un Dubra que xa está prácticamente descendido. Os de Otero saíron arriba e buscando as costas da defensa visitante. No minuto 3 chegou o primeiro aviso cun remate de Hugo nun córner botado por Julio Rey desde a esquina esquerda. No minuto 12 un pase longo habilita a Eloy, reclamando penalti o graderío despois de que o extremo caese na área. Dous minutos despois os arlequinados conseguiron abrir o marcador. Foi nunha xogada que comezou en banda esquerda. O balón chegoulle a Sergio na frontal, o mediocentro cambiou o xogo á banda dereita, e o magnífico centro de Fran Matos foi estupendamente cabeceado en plancha por parte de Eloy. Poucos minutos despois o Dubra dispuxo da súa mellor ocasión da tarde, pero o remate de Cholo foise por riba da porta defendida por Pazos.

A partir do gol o conxunto local relaxouse un pouco, mantendo o control do partido. Non dispuxo de máis ocasións claras até o minuto 38 cando unha espectacular acción de Julio Rey dentro da área tras asistencia de Hugo foi despexada a córner. A falta de 5 minutos para o descanso o capitán Pablo Rivas cabeceou á rede un saque de esquina, subindo o 2-0 ao electrónico da Lomba. Dous minutos máis tarde Marcos obligou a lucirse a Brais, sacando da escuadra o disparo do hoxe lateral esquerdo do Arosa.

Brais fixo outro auténtico “paradón” no minuto 5 do segundo tempo tras disparo de Antón Vilas. No 62 chegou o terceiro gol. Gonzalo marcou en propia meta ao intentar desviar unha falta botada por Sergio Santos. 3 minutos despois, Diego Sylla, que acababa de substituir a Vilas marcou o cuarto. O dianteiro senegalés recortou dentro da área e lanzou un tiro cruzado ao que non puido chegar Brais.

A partir de aí prácticamente non houbo partido, até que no minuto 90 Adrián Vázquez marcase o 4-1.

Este resultado, xunto coa derrota do R.Villalbés en Barbadás, afianza ao Arosa no cuarto posto, agora con 3 puntos de vantaxe sobre os da Terra Chá.

A próxima semana os de Otero visitan o Multiusos de San Lázaro no que será o partido máis atractivo da xornada 31.

Arosa: R.Pazos, Fran Matos, Marcos, P.Rivas, Aitor Díaz, Sidibé (Carballa, min 72), Antón Vilas (Sylla, min 61), Sergio Santos, Hugo Soto, Julio Rey e Eloy (Suso, min 66).

Dubra: Brais, Leites, Baleato (Facal, min 69), Cholo, J.Caneda, Mariño (Diego Gesto, min 69), Ferreiro, Munín, Dani Moto, Adrián Vázquez e Gonzalo (Dani Fernández, min 87).