CF DAMM, campión do VI Torneo ClaeViajes Cidade Vilagarcía

O CF DAMM, un clásico do fútbol base catalán, proclamouse campión do Cidade Vilagarcía 2017 tras vencer ao FC Barcelona na rolda de penaltis despois de que a final rematase com empate 2-2. No partido polo terceiro posto o Antiguoko venceu ao Deportivo por 5-0.


Nos cuartos de final deste torneo disputado entre  A Lomba e o Manuel Jiménez, na que reinou o bo ambiente entre as máis de 2000 persoas que poboaban as gradas, o Atlético de Madrid non puido cos guipuzcuoanos, os herculinos venceron aos cántabros do Atlético Perines, o Celta caeu contra os blaugranas e a EFB Lanzarote foi eliminado polo DAMM.

O ClaeViajes Cidade Vilagarcía reuniu nesta VI edición a 48 dos mellores equipos benxamíns de España, Portugal, Inglaterra e Dubai.